Zalantzak

SEXU AHOLKULARITZARA JOAN AURRETIK:

– Bakarrik kontsulta dezaket ?

Bai, baita bikotean ere. Norberaren gaiaren arabera, egokiago izango da bikotean ala bakarka etortzea.

– “Arazo” bat edo kezka bat izatea derrigorrezkoa da kontsultatu ahal izateko?

Ez, ez eta ez. Jakinminez, gogoz ere hurbildu daiteke bertara. Sexualitate gaien inguruko solasaldiak aberasgarriak ere izan ditzakezu.

– Zerbitzua konfidentziala al da?

Guztiz, bestela gure lanak ez luke inolako zentzurik izango.

– Lotsa ematen dit, zer pentsatuko du nitaz?…

Sexologoei ez dagokigu inolako epaiketarik egitea. Hauek pertsonen bizipenak kaltetu besterik ez dutenez, gure ardura pertsonak entzutea, aholkatzea, heztea eta laguntzea da.

– Zerbait eskatuko dit egiteko?

Soilik ebaluaketa inkesta bat bete beharko duzu bukaeran.

– Behin baino gehiagotan galde dezaket?

Bai nahi duzun guztietan. Gure bizitza eta bizipenak aldatzen doazen heinean zalantza eta gai ezberdinak sortzen joango dira, eta horietan guztietan laguntzeko gaude.